Категория:
Բանաստեղծություններ
Այն աշխարհը
Թևավոր էին երազները,
Ոչ մենավոր իմ խոհերը,
Այդ աշխարհը ինձնից հեռու ,
Սեգ ու անպարտ և ահարկու,
Կարոտագին սրտիս կապված,
Իմ հոգում է բանտարկված:
Եվ մնացին այդ աշխարհում,
Հուշեր դարձան թևավոր,
Խառնվեցին օդ ու ջրին
Օրերը պարզ ու խրթին:
Հիմա մի այլ փայլուն երազ,
Գրավել է սրտիս մի մաս,
Բայց այն աշխարհը հրաշքներով լի
Դարձրեց իմ կյանքը հրաշալի:
Եվ կարոտով ես գնում եմ ,
Դեպ ինձ կանչող իմ օրրանը,
Թեկուզ հեռու, բայց միշտ տենչող,
Արցախ աշխարհ իմ բնօրրանը:
