Категория:
Բանաստեղծություններ
Կետադրություն
Ես չեմ կետադրում կյանքը իմ դժկամ,
Չեմ դնում ոչ կետ, ոչ էլ ստորակետ,
Ուզում եմ անվերջ բոլորին սեր տամ,
Թեկուզ և ապրեմ կյանքում չարի հետ:
Ես չեմ կետադրում կյանքն իմ ուրախ,
Քանզի դարձել է այն լոկ խաղ,
Սխալվել, հեռանալ մոռանալ էլ կա ,
Աստված է միայն մեր կյանքին վկա:
Ես չեմ կետադրում կյանքը իմ մռայլ,
Չեմ տալիս թևեր և զուր խոստումներ,
Թող մարդիկ անեն առաջին քայլեր,
Տեսնեն հեքիաթներ և լուռ երազներ:
Ես չեմ կետադրում,
Իսկ թե կետադրեմ,
Չեմ դնի ոչ կետ, ոչ էլ ստորակետ,
Անսահմանություն. ահա թե որն է իմ հոգու բառը:
